ರಾಮಣ್ಣನ ಚುಟುಕುಗಳು

" ಝೆನ್ -ಝಿ"

ಝೆನ್ಝಿ ಎಂದರೆ ಭಾವ

ನಮ್ಮ ಯುವ ರಕ್ತ I

ಜಾತಿಮತಗಳ ಗಡಿಯ

ದಾಟಿ ಅದು ಮುಕ್ತ II

ಇಲ್ಲು ತೊಡಗಿದೆ ಈಗ

ಅವರ ರಂಪಾಟ I

ಆಗಿಬಿಟ್ಟಿತು ದೆಹಲಿ

"ಕಪಿಹೊಕ್ಕ ತೋಟ"! II

" ಧರಣಿ "

ರಾಜಧಾನಿಯಲೀಗ

ಧರಣಿಗಳ ಸಂತೆ I

ಹರಿಯತೊಡಗಿದೆ ಭಾವ

ಸುದ್ದಿಗಳ ಕಂತೆ II

ಉಪ್ಪುಹುಳಿ ಖಾರಗಳು

ಇರಬಹುದು, ಅಡಕ II

ಖಾತ್ರಿಯಾಗಲು ಓದಿ

ತೊಟ್ಟು "ಕನ್ನಡಕ " II

ಮೀಸಲಾತಿ

ಮೀಸಲಾತಿಯಲುಂಟು

ಎಲ್ಲರಿಗು ಪಾಲು I

ಸಾಮಾನ್ಯ ವರ್ಗಕ್ಕೆ

ಇದರಿಂದ ಸೋಲು I

ಎಲ್ಲ ಹಂಚಿಕೆಯಾಗಿ

ಉಳಿದಲ್ಲಿ ಉಂಟು I

ಸರ್ಕಾರಿ ಉದ್ಯೋಗ

ಕನ್ನಡಿಯ ಗಂಟು ! II