ಅಗಲ್ಪಾಡಿ

ಸುತ್ತ ಹಸಿರು ವನದ ನಡುವೆ

ಕಂಗೊಳಿಸುವ ಆಲಯ

ಗರ್ಭಗುಡಿಯ ಒಳಗೆ ನೋಡು

ತಾಯಿ ದುರ್ಗಾದೇವಿಯ

ಭೇರಿ ಶಬ್ದ ಕೇಳುತಿದೆ

ನಂದಾದೀಪ ಉರಿಯಲು

ಆರತಿಯು ಬೆಳಗುತಿದೆ

ನಿನ್ನ ಪೂಜೆ ಗೈಯಲು

ಬೆಲ್ಲದಕ್ಕಿ ಪಾಯಸವು

ಪ್ರೀತಿಯ ನೈವೇದ್ಯವು

ಮೂರು ಹೊತ್ತು ಸೇವೆ ನಿನಗೆ

ಕೇಳು ಘಂಟಾ ನಾದವು

ಶುಭವ ತರುವ ದೇವಿ ಇವಳು

ಸರ್ವ ಶಕ್ತಿ ಅಂಬಿಕೆ

ಶುದ್ಧ ಮನವ ಕೊಡುವಳೆಂದು

ಭಕ್ತ ಜನರ ನಂಬಿಕೆ

ಕಣ್ಣನೊತ್ತಿಕೊಳುವರೆಲ್ಲ

ಮೂರ್ತಿ ಕಣ್ಣ ತುಂಬುತ

ವರವ ಕೊಡು ನಮಗೆಂದು

ನಿನ್ನಂಘ್ರಿಗೆ ಎರಗುತ