ಕೃಷ್ಣನ ಮಾಯೆ

ಏನು ಮಾಯೆಯೊ ಏನು ಪ್ರಭೆಯೊ ಮಹಾವಿಷ್ಣು

ಕಪಟ ನಾಟಕ ಸೂತ್ರಧಾರ ಶ್ರೀ ಕೃಷ್ಣಾ //ಏನು//

ಎಂಟನೆಯ ಗರ್ಭದಲಿ ದೇವಕಿಯ ಸುತನಾದೆ

ಭಂಟರ ನಡುವಲ್ಲಿ ಸೆರೆಮನೆಲಿ ಜನಿಸಿದೆ

ತುಂಟತನವನು ತಾಯಿ ಯಶೋದೆಯಲಿ ತೋರಿದೆ

ಕಂಟಕವು ಮಾವ ಕಂಸನಿಗೆ ಯಮನಾದೆ //ಏನು//

ರಾಧೆಯನು ಪ್ರೇಮಿಸಿದೆ ರುಕ್ಮಿಣಿಯ ವರಿಸಿದೆ

ಮಾಧವನೆ ಏನು ನಿನ್ನ ಮಹಿಮೆಯು ಆಗಾಧ

ಸೋದರನ ಯುಕ್ತಿಯಲಿ ತೀರ್ಥ ಯಾತ್ರೆಗೆ ಕಳುಹಿ

ಯಾದವ ಮಹಾಭಾರತ ಯುದ್ಧ ಸೂತ್ರವಿದೇನೊ //ಏನು//

ಪಕ್ಷ ಪಾಂಡವರಲ್ಲಿ ಊಟ ಕೌರವರಲ್ಲಿ

ಸಖ್ಯ ಕೋರುತ ಬರಲು ನೀ ಭಾರಿ ಶಯನದಲಿ

ಪರಮ ಪಾವನ ಮೂರ್ತಿ ಪನ್ನಗ ಶಯನನೆ

ಪಾದತಲದಲ್ಲಿರುವ ಪಾರ್ಥನಿಗೆ ಸಾರಥಿಯಾದೆ //ಏನು//

ಕುಂತಿ ಪುತ್ರರ ನಡುವೆ ತಾರತಮ್ಯವು ನಿನಗೆ

ಕರ್ಣಕುಂಡಲ ಕವಚ ಯೋಚಿಸಿ ಯಾಚಿಸಿದೆ

ಸೂರ್ಯಪುತ್ರನ ಮರಣ ಹೆಣ್ಣಿಗೆ ಕಂಕನ ಶಾಪ

ಶ್ಯಾಮಸುಂದರ ನಿನ್ನ ಮಹಿಮೆ ಅರಿಯೆನು ದೇವಾ //ಏನು//