ಮುಕ್ತಕ

೧

ಮುತ್ತಿ ಯಮಕಿಂಕರರು ಎತ್ತೊಯ್ಯುವರು ಜೀವ

ಹೊತ್ತಿಯುರಿಯುವ ದೇಹ ಯಾಕೆ ವ್ಯಾಮೋಹ ?

ಚಿತ್ತದಲಿ ಹರಿಯಿರಲಿ ಜೀವ ಹೋಗುವ ಮುನ್ನ

ಇತ್ತ ಮೋಕ್ಷಕೆ ದಾರಿ ವೀಣಗಾನ

೨

ಕವಿಯುತಿದೆ ಕಾರ್ಮುಗಿಲು ಸುರಿವ ವರ್ಷದ ಧಾರೆ

ಸವಿಯಾದ ನಿದಿರೆಯದು ಗಾನ ಮೇಳದಲಿ

ಅವಿತಿರುವ ಭಾವನೆಯು ಗರಿಗೆದರಿ ಹಾರುತ್ತ

ಸವಿಗನಸಿನಲಿ ಮೀವ ವೀಣಗಾನ

೩

ಪುಸ್ತಕವ ಬಿಡಿಸುತ್ತ ಬರೆದೆ ನಾ ಮುಕ್ತಕವ

ಮಸ್ತಕದೆ ಸುಳಿಯದದು ಕವಿತೆಯಾ ಸಾಲು

ಹಸ್ತದಲಿ ಲೇಖನಿಯು ಚುಚ್ಚುತಿದೆ ಕೈ ಬೆರಳ

ಅಸ್ತಮಿಸಿತೇ ಬರಹ ವೀಣಗಾನ

೪

ಮುಕ್ತಕವ ಬರೆಯಲು ಲೇಖನಿಯ ಕೈ ಹಿಡಿದೆ

ಶಕ್ತಳಲ್ಲವೆ ನಾನು ಪದಗಳ 'ಬರ'ದೆ

ಯುಕ್ತ ಪದ ಜೋಡಣೆಗೆ ಹರಿ ಸ್ಮರಣೆಯು ಸೂಕ್ತ

ವ್ಯಕ್ತ ದೈವದ ಮಹಿಮೆ ವೀಣಗಾನ