Article · December 15, 2025
ಏನಿದು ವೈಚಿತ್ರ್ಯ?
- ಜಯಶ್ರೀ ಕೆ ಆರ್ ಭಟ್ ಪಳ್ಳತಡ್ಕ
☘️☘️☘️☘️☘️
ಏನಿದು ಸೃಷ್ಟಿಯ ವೈಚಿತ್ರ್ಯ ?
ಹಿರಿದಿಹುದೂ ಭೂಮಿಯ ಗಾತ್ರ
ಬಾನಿಗೊ ಎಲ್ಲೆಗಳೇ ಇಲ್ಲ
ಎಲ್ಲೆಲ್ಲೋ ಹರಡಿದೆಯಲ್ಲ!
ಆ ಸೂಯ೯ನು ಉರಿಯುವ ಗೋಲ
ಇರಬಹುದೇನೋ ಇಂಗಾಲ ?
ಹಗಲಿಡೀ ಬೆಳಕನ್ನೀಯುವನು
ಸಂಜೆ ವೇಳೆ ಮರೆಯಾಗುವನು
ಚಂದ್ರನಿಗೋ ತಾರೆಯ ಬಳಗ
ಹೊಂದಾಣಿಕೆ ಇದೆ ಅವರೊಳಗ
ಭೂಮಿಯು ನೀರಲಿ ತೇಲುತಿದೆ
ನಭದಿಂ ನೀರು ಸುರಿಯುತಿದೆ
ಏನಿದು ಸೃಷ್ಟಿಯ ವೈಚಿತ್ರ್ಯ
ಹೆಚ್ಚಿಹುದೂ 'ವಾತದ 'ಪಾತ್ರ
ಪಂಚ ಭೂತದಿಂ ನಿರ್ಮಾಣ
ಪಂಚಭೂತ ಸರ್ವಾಂಗೀಣ!
Creative Writings