ಮುಕ್ತಕಗಳು

ನಿತ್ಯ ಪೂಜೆಯು 

ಮನೆಗೆ ಶ್ರೇಯಸ್ಕರ, 

ದೇವರೊಲುಮೆಯು

ಮನೆಯ ಹಿತಕೋಸ್ಕರ!

ಸ್ಲೇಟು ಬಳಪ ಹಿಡಿದು ಮಗುವು 

ಬರೆದು ಮೊದಲ ಅಕ್ಷರ,

ಓದಿ ಬರೆದು ಕಲಿತ ಮೇಲೆ

ಮಗುವು ತಾನು ಸಾಕ್ಷರ!

ವೃಕ್ಷ ಒಂದಿತ್ತಲ್ಲಿ ಅದು ದೇವದಾರು,

ಅನುಮಾನ ಕಾಡುತಿದೆ ಕಡಿದವರು ಯಾರು?    

ನೆರಳಾಗಿ ನಿಂತಿತ್ತು ದಣಿದವನ ಸೂರು

ಆಶ್ರಯವ ಪಡೆದಿತ್ತು ಹಕ್ಕಿ ಹಲವಾರು 

ನಾಲಗೆಯ ಮೇಲಿಹುದು 

ಹಲವು ರುಚಿ ಮೊಗ್ಗು,

ರುಚಿಯ ತಿಳಿಸುವುದು ಇದು

ಅದಕೆನಗೆ ಹಿಗ್ಗು.

                ಸೃಷ್ಟಿಕರ್ತನ ಸೃಷ್ಟಿ ಅಪರಿಮಿತ ಕಲೆಗಾರ                   

ಏನು ಸೌಂದಯ೯ವಿದೆ ಸೃಷ್ಟಿಯೊಳಗೆ,

ಅದ್ಭುತದ ಸೌಂದಯ೯, ಅದ್ಭುತದ ಚಿತ್ತಾರ 

ಮೂಡಿ ಬಂದಿದೆ ಬರೆದ ಚಿತ್ರದೊಳಗೆ