ರಾಜೀನಾಮೆ...

☘️☘️☘️☘️

ಹೆಬ್ಬೆರಳ ಅಚ್ಚೊತ್ತಿ,

ಸಹಿಯ ಗೀಚಿದನವನು,

ನಿಬ್ಬೆರಗು ಪಡುವಂತೆ ಜನತೆ /

ಕೊಬ್ಬು ಅಧಿಕಾರದ್ದು 

ಕಳೆದು ಹೋಯಿತು ಇಂದು ',

ಗೆದ್ದು ಪಡೆದದ್ದಂದು ಘನತೆ/

ಕೊಂದು ಪ್ರಾಣಿಯ ಮಾಂಸ 

ತಿಂದು ತೇಗಿದ್ದವನು,

ದೇಗುಲದ ಎದುರಲ್ಲಿ ನಿಂದು/

ಕಲ್ಲು ಮೂರ್ತಿಯ ಒಳಗೆ 

ದೇವರಹರೇ? ಏನು?

ತಿಳುವಳಿಕೆ, ಭ್ರಮೆ ನಿಮ್ಮದೆಂದು /

ಮನಸು ಬಂದಂತೆಲ್ಲ 

ಅಧಿಕಾರ ನಡೆಸಿರಲು

ಶಪಿಸಿದರು ಜನ ಮನಸು ತುಂಬಿ/

ಸಜ್ಜನರು ಎಂದಿಗೂ 

ಮೂರ್ಖರಾಗಿರಲಿಲ್ಲ,

ಇಹರವರು ದೇವರನು ನಂಬೀ /

ಅಧಿಕಾರ, ಹಣದಮಲು,

ಕೈಯೊಳಗೆ ಇರುವಾಗ 

ಯಾವುದರು ಮಿತಿಯೆ ಇರಲಿಲ್ಲ /

ಪ್ರಾರಬ್ಧ ಕರ್ಮವದು 

ಬಂದು ಕಾಡಿತು ಇಂದು 

ಇಂದೀಗ ಅಧಿಕಾರವಿಲ್ಲ /

ನೊಂದು ನೋಯಿಸಿ 

ಜನರ ಕಿತ್ತು ತಿಂದನು ಎಲ್ಲ,               

ತನ್ನ ಹೊಟ್ಟೆಯ ತುಂಬಿಕೊಂಡ/

"ಶಿವ ಶಿವಾ"    ಏನೆಂದು 

ಹೇಳಲಿ ಹಣೆ ಬರಹ ?

ಎಲ್ಲವನು ಕಳಕೊಂಡನಲ್ಲ !/

ಒತ್ತಡವು ಏನಿತ್ತೊ, 

ಗ್ರಹಚಾರ ಕೆಟ್ಟಿತ್ತೋ, 

ವಿಧಿಲಿಖಿತ ಹೀಗಿತ್ತೊ ಕಾಣೇ /

ಪತ್ರದಲಿ ಸಹಿ ಮಾಡಿ 

ಕುರ್ಚಿಯಿಂದಿಳಿದಿಹನು 

ನೀಡಿ ಹುದ್ದೆಗೆ ರಾಜೀನಾಮೆ! /