ಮುಕ್ತಕಗಳು

ನೊಂದುಬಂದವನನ್ನು ನಿಂದಿಸಲು ಹೋಗದಿರು

ಬಂಧುವಾಗವನೀಗೆ ಸಾಂತ್ವನವ ನೀಡು 

ಸಂದಿಗ್ಧ ಸಂದರ್ಭ ಯಾವಾಗ ಬರಬಹುದು 

ಎಂದರಿತವರು ಯಾರು ಬಾಳಸಂಧ್ಯೆ 

ಚಿಕ್ಕಗಾಯವಕೆರೆದುಹುಣ್ಣಾಗಿಸುವವರಾ

ಪಕ್ಕದಲಿ ನಿಲ್ಲದಿರು  ಆಗುವುದಪಾಯ

ಕುಕ್ಕಿತಿನ್ನಲುಬರುವ ಹದ್ದುಗಳು ಹಲವಿರಲು 

ಮಿಕ್ಕಿರುವುದೇನಯ್ಯ ಬಾಳಸಂಧ್ಯೆ 

ಬಿರುಕು ಬಿಟ್ಟಿಹ ಬಳೆಯ ಸದ್ದನ್ನು ಗಮನಿಸಲು

ಗುರುತಿಸುವೆ ಸುಲಭದಲಿ ಅದು ಯಾವುದೆಂದು

ಮುರಿದುಹೋಗಿಹ ಬಂಧ ತಿಳಿಸುವುದು ಇತರರಿಗೆ

ಉರಿಯಾಡೊ ಮಾತಿನಿಂ ಬಾಳಸಂಧ್ಯೆ