Article · June 15, 2026
ಬಾಳೆಲೆಯೂಟದ ಸೊಗಸಿನ ಬಂಧ!
✍🏻ಜಯಶ್ರೀ ಕೆ. ಆರ್. ಭಟ್ ಪಳ್ಳತಡ್ಕ
ಬಾಳೆಯ ಎಲೆಯನು ಚೊಕ್ಕದೊಳಿರಿಸೀ
ಊಟವ ಬಡಿಸುವುದೊಂದು ಕಲೆ../
ಬಡಿಸುವುದಕ್ಕೂ ರೀತಿಯು ನಿಯಮ,
ಸಂಪ್ರದಾಯವೂ ಇದರ ನೆಲೆ/
ಬಾಳೆಯ ಎಲೆಯಲಿ ಬಡಿಸಿದ ಊಟವ
ಉಣ್ಣುವುದೂ ಸಹ ಒಂದು ಕಲೆ.../
ಚೆಲ್ಲದ ಹಾಗೇ ಉಣ್ಣುತಲಿರಲೂ,
ಬಾಯಿಗೆ ರುಚಿಯೂ ಬಹಳ ಭಲೇ.../
ಬಾಡಿಸಿದರೆ ಎಲೆ ಬೇಗನೆ ಹರಿಯದು,
ತಿಳಿದರಿದನು ಜನ ಬಳಸಿ ತಲೇ../
ಮುರಿಯದೆ ಕಡಿದೂ ಹರಿಯದೆ ತೊಳೆದೂ,
ಉಂಡರೆ ಊಟಕೆ ಸತ್ವ ಭಲೇ ../
ಮದುವೆಗು, ಮುಂಜಿಗು,ಶುಭಕೂ, ಅಶುಭಕು,
ಬೇಕೇ ಬೇಕು ಬಾಳೆ ಎಲೆ.../
ಹೊತ್ತಿಗೆ ಸರಿಯೇ ಮರೆಯದೆ ಕಡಿದೂ ,
ಸಂಗ್ರಹಿಸುವುದೂ ಒಂದು ಕಲೆ.../
ಕಡಿದಿಹ ಎಲೆಗಳ ಕೊಂಚವು ಹರಿಯದೆ,
ಹೊರೆಯನು ಕಟ್ಟುವುದೊಂದು ಕಲೆ../
ಮನುಜನಿಗೂ ಈ ಬಾಳೆಯ ಎಲೆಗೂ
ನಡುವಿನ ಬಂಧವು ಸೊಗಸು ಭಲೇ../
☘️☘️☘️☘️
Creative Writings