ಮುಕ್ತ.....

ಮುಸ್ಸಂಜೆ ವೇಳೆಯಲಿ ಇಂಚರದ ದನಿಯಲ್ಲಿ 

ಸಂಚಾರಕಿಹುದೊಂದು ಮುಕ್ತದಾರೀ... /

ತಂಪು ಗಾಳಿಯು ಬೀಸಿ,  ಸುಮದ ಘಮ ಸುತ್ತಡರಿ

ಸಂಚಾರಕಿಹುದೊಂದು ಮುಕ್ತದಾರೀ...../

ಸುರಿಸುರಿವ ಮಳೆಯಲ್ಲಿ ನೆಂದು ನಡೆಯುವ ಹಾದಿ,

ಸಂಚಾರಕಿಹುದೊಂದು ಮುಕ್ತ ದಾರೀ...

ಸರಸರನೆ ನಡೆದಿರಲು ಗೊರವಂಕಗಳ ಹಿಂಡು, 

ಸಂಚಾರಕಿಹುದೊಂದು ಮುಕ್ತ ದಾರೀ...../

ಸುತ್ತಮುತ್ತಲ ಹಸಿರು, ತಣ್ಣನೆಯ ಆ ಗಾಳಿ,

ಬೀಸಿ ಸಂಚಾರಕೇ ಮುಕ್ತದಾರೀ...../

ಪ್ರಕೃತಿ ಆಹ್ವಾನಿಸಿದೆ ತಂಪು ನೆರಳನು ನೀಡಿ,

ಸಂಚಾರಕಿದೆ ಇಲ್ಲಿ ಮುಕ್ತದಾರೀ....../

ಚಂದನದ ವನದಿಂದ ಮನವ ತಟ್ಟುವ ಗಂಧ,

ಹರಡಿ ಪಸರಿಸುತಿಹುದು ತಂಪು ಗಾಳೀ..../

ನಡುನಡುವೆ ಹಾಸಿರುವ ತರಗೆಲೆಯು ಹಾದಿಯಲಿ

ಚೆಲ್ಲಿ ಸಂಚಾರಕೇ ಮುಕ್ತದಾರೀ....../