ಮೌನ ರಾಗ

ಸಂಧ್ಯಾ ಸಮಯದಲಿ ಸೂರ್ಯ ಸರಿಯುತಲಿಹನು
ಅಡಿಗಿ ಹೋಯಿತು ಮೆಲ್ಲ ಬಿಸಿಲ ಬೇಗೆ /

ತಣ್ಣನೆಯ ತಂಗಾಳಿ ಕೈಬೀಸಿ ಕರೆಯಿತು
ಸುತ್ತಾಡಿ ಬರಲೆಂದು ಹೊರಟೆ ಹಾಗೇ /

ನಾಲ್ಕು ಹನಿ ಮಳೆ ಸುರಿದು ತಣ್ಣಗಾಗಿದ್ದ ನೆಲ
ತಂಪಾಗಿ, ಹಿತವಾಗಿ ತಂಪುಗಾಳಿ /

ತರುಲತೆಗಳೆಲ್ಲವೂ ಮಾತನಾಡುತಲಿತ್ತು
ಕೇಳೋಣ ಸುಮ್ಮಗಿರಿ ಮೌನವಾಗಿ /

ಚಿಲಿಪಿಲಿಯ ಕಲರವವು ಇಂಪಾದ ಗಾಯನವು
ಒಂದೊಂದು ಹೆಜ್ಜೆಗೂ ಒಲವ ಗಾನ /

ಮಾತು ಹೊರಡಲೆ ಇಲ್ಲ ಮೌನ ರಾಗವು ಎಲ್ಲ
ತಲೆ ಎತ್ತಿ ನೋಡಿದೆನು ಚೆಲುವ ಬಾನ /