ವಿವಿಧೆಡೆಗಳಲ್ಲಿ ನಡೆದ ಸಾಮೂಹಿಕ ಗೌರೀ ಪೂಜೆ

ಕರಾಡ ಬ್ರಾಹ್ಮಣ ಸಮಾಜದ ಸ್ಥಳೀಯ ಸಮಿತಿಗಳ ಆಶ್ರಯದಲ್ಲಿ, ವಿವಿಧೆಡೆಗಳಲ್ಲಿ ಇಂದು ಸಾಮೂಹಿಕ ಗೌರೀ ಪೂಜೆ ಭಕ್ತಿಪೂರ್ಣವಾಗಿ ನೆರವೇರಿತು. ಅನೇಕ ಮಹಿಳೆಯರು ಉತ್ಸಾಹದಿಂದ ಪಾಲ್ಗೊಂಡು ಪೂಜೆಯನ್ನು ನೆರವೇರಿಸಿ ಧನ್ಯತಾ ಭಾವವನ್ನು ಹೊಂದಿದರು.

---

ಅಗಲ್ಪಾಡಿ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದಲ್ಲಿ ...

 

ಶ್ರೀ ಕ್ಷೇತ್ರದಲ್ಲಿ ತಾರೀಕು 26.08.2025ನೇ ಮಂಗಳವಾರ ಕ್ಷೇತ್ರದ ತಂತ್ರಿವರ್ಯರಾದ ಶ್ರೀ ಶಂಕರನಾರಾಯಣ ಶರ್ಮ, ಗೋಸಾಡ ಅವರ ನೇತೃತ್ವದಲ್ಲಿ  ಗೌರೀ ಪೂಜೆಯನ್ನು ಆಯೋಜಿಸಲಾಯಿತು. ಇಂದು ಪ್ರಾಥ:ಕಾಲ ಶ್ರೀ ಗೌರಿಯನ್ನು ವಿಸರ್ಜಿಸುವ ಮೂಲಕ ಪೂಜಾ ಕೈಂಕರ್ಯಗಳು ಸಂಪನ್ನಗೊಂಡವು. ಜಗನ್ಮಾತೆಯು ಭಾಗವಹಿಸಿದ ಎಲ್ಲಾ ಮಾತೆಯಂದಿರಿಗೂ  ಸಮಸ್ತ ಸಮಾಜ ಬಾಂಧವರಿಗೂ ಆಯುರಾರೋಗ್ಯ ಐಶ್ವರ್ಯಾದಿಗಳನ್ನು ಕರುಣಿಸಲಿ.

ಇತೀ
 ಆಡಳಿತ ಮಂಡಳಿ.

---

ಮಂಗಳೂರು 

ಇಂದು ಧ್ಯಾನ ಮಂದಿರದಲ್ಲಿ ಶ್ರೀಯುತ ವಿದ್ಯಾಶಂಕರ್ ಅವರ ಪೌರೋಹಿತ್ಯದಲ್ಲಿ ಸಾಮೂಹಿಕ ಗೌರೀ ಪೂಜಾ ಕಾರ್ಯಕ್ರಮ ಜರುಗಿತು. ಸುಮಾರು ಇಪ್ಪತ್ತು ವನಿತೆಯರು ಈ ಪೂಜಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಪುನೀತರಾದರು. ಪೂಜಾ ಕಾರ್ಯವನ್ನು ನಡೆಸಿಕೊಟ್ಟ ಶ್ರೀ ವಿದ್ಯಣ್ಣ ಅವರಿಗೆ ಗೌರವದ ನಮನಗಳು. ಭಾಗವಹಿಸಿ ಪ್ರೋತ್ಸಾಹಿಸಿದ ಎಲ್ಲಾ ಮಹಿಳೆಯರು ಅಭಿನಂದನಾರ್ಹರು. ಈ ಸಂದರ್ಭದಲ್ಲಿ ಪೂಜೆಯಲ್ಲಿ ಭಾಗವಹಿಸಿದ ಅಣ್ಣಂದಿರಿಗೂ ವಿಶೇಷ ವಂದನೆಗಳು.

---

ಬೆಳ್ತಂಗಡಿ