ವಂದಿಸಿ ಮಾತೆಗೆ

‎‎ಏರಲಿದೆ ಬಾವುಟ ಏಕತೆಯ ಸಾರುತ
‎ಕೇಸರಿ ಬಿಳಿ ಹಸಿರು ಮೂರು ಬಣ್ಣ ಮೂಡುತ
‎ಹಾರಲಿ ಮೇಲೇರಲಿ ಬಾನೆತ್ತರದಿ ಹಾರಾಡಲಿ...
‎
‎ಸ್ಮರಿಸುವ ವೀರರ ಗೌರವ ನೀಡುವ
‎ಭಾರತಾಂಬೆಯ ರಕ್ಷಣೆ ಮಾಡುವ
‎ದೇಶ ಪ್ರೇಮವ ಹುಟ್ಟು ಹಾಕುವ
‎ವಂದಿಸಿ ಮಾತೆಗೆ ಭರತ ಮಾತೆಗೆ ......
‎
‎ಸ್ವತಂತ್ರ ನಾಡಿದು ಸುಂದರ ಬೀಡಿದು
‎ಸತ್ಯ ಶಾಂತಿ ತ್ಯಾಗವೆಂಬ ಮಂತ್ರವದು
‎ಮೊಳಗಿದೆ ನಾಡೆಲ್ಲೆಡೆ ತ್ರಿವರ್ಣ ಸಂಭ್ರಮ
‎ವಂದಿಸಿ ಮಾತೆಗೆ ಭರತ ಮಾತೆಗೆ....
‎
‎ಮರೆಯುವ ಜಾತಿಯ ಹಂಚುವ ಪ್ರೀತಿಯ
‎ಸ್ವಾತಂತ್ರ್ಯ ದಿನವನು ಆಚರಿಸುವ
‎ಭಾರತೀಯರೆಂಬ ಹೆಮ್ಮೆಯಿಂದ
‎ವಂದಿಸಿ ಮಾತೆಗೆ ಭರತ ಮಾತೆಗೆ.....
‎
‎ಹಾರಲಿ ಮೇಲೇರಲಿ ಧ್ವಜದ ಕೀರುತಿ
‎ಹಾರಲಿ ಮೇಲೇರಲಿ ಬಾನೆತ್ತರದಿ ಹಾರಾಡಲಿ
‎ತಿರಂಗಾದ ರಂಗು ಎಲ್ಲೆಡೆ ಪಸರಿಸಲಿ
‎ವಂದಿಸಿ ಮಾತೆಗೆ ಭರತ ಮಾತೆಗೆ......
‎
‎
‎