ಅ ದಿಂದ ಅಃ ದವರೆಗೆ ಗಣಪನ ಹಾಡು

ಅಮ್ಮ ಗೌರಿಯ ಪೂಜೆಯು ಮುಗಿಯಲು
ಆನೆಯ ಮೊಗದವ ಬಂದಿಹನು
ಇಲಿಯನು ಏರಿ ಕುಳಿತಿರುವವನು
ಈಶ್ವರ ಸುತನು ಅಗಿಹನು.

ಉಮಾತನಯನು ಉನ್ನತ ರೂಪನೂ
ಊರಿಗೆ ವರವನು ನೀಡುವನು
ಋಷಿ ಮುನಿಗಳಿಂದ ಪೂಜಿತನಿವನು
ಎಲ್ಲರ ಕಣ್ಮಣಿ ಎನಿಸಿಹನು.

ಏಕದಂತನಾಗಿರುವ ಅವನಿಗೆ
ಐದು ಬಗೆಯ ಕಡುಬು ಕಜ್ಜಾಯ
ಒಲವಿನ ಮೋದಕ ನೀಡಲು ಹೋದರೆ
ಓಡುತ ತಿಂದನು ಉಂಡೆಯ.

ಔದಾರ್ಯ ರೂಪ, ವಿಘ್ನ ನಿವಾರಕ
ಅಂದದಿ ಪೂಜಿತ ಗಣಪನೆ
ಅಃ ! ನಿನ್ನ ನಾಮದ ಮಹಿಮೆ
ಭಜಿಸಿದಷ್ಟು ಅಪಾರವೇ . .