ಚೈತನ್ಯ

ಮನಕೆ ಮುದ ನೀಡುವ ನಗುವಿನಲೆಯಲಿ ತೇಲಿ

ಮನದಲಿಹ ಸಂಕಟವು ಹೊರ ಹರಿದು ಬರಲಿ

ಮಾನಸ ಸರೋವರವು ನಿತ್ಯ ಹರಿದ್ವರ್ಣದಲಿ

ಮುಗ್ಧ ಮನವೇ ನೀ ಏತಕೇ ಕೊಡುವೆ ಬಲಿ

ಸಂಸಾರ ಸಾಗರದಿ ಬರುವ ಏರುಪೇರುಗಳೆಲ್ಲ

ಸಹಜವದು ಮಾನವಗೆ ದೈವದತ್ತವು ಎಲ್ಲ

ಸಕಲ ಸಂಕಟವು ನಿನಗೆಂದೂ ತೀರುವುದಿಲ್ಲ

ಸವಿನುಡಿಯ ನಗುವಲ್ಲಿ ವರ್ಣರಂಜಿತವೆಲ್ಲ

ಗೆಳೆತನದ ಬಂಧವದು ಎಳೆತನವ ನೀಡುವುದು

ಗತಿಸಿದ ಭಾವವದು ಎಳೆಯಾಗಿ ತೇಲುವುದು

ಗರ್ಭಗುಡಿಯಲಿ ಅವಿತ ನುಡಿಮುತ್ತುಗಳ ಸೆಳೆದು

ಗೂಡುಕಟ್ಟಿದ ಮೌನ ಮಾತಾಡ ಬಯಸುವುದು

ಗೆಳೆತನದ ಬಳಗದಲಿ ಸ್ನೇಹದಲಿ ಮೈಮರೆತು

ಗೂಡಿನಿಂದ ಹೊರಬಂದ ಗಿಳಿಮರಿಯ ತೆರದಿ

ಗಾಳಿಯಲಿ ತೇಲಾಡಿ ಬಾನಿನಲಿ ಬಾನಾಡಿ

ಗೂಡು ಸೇರುವ ಮುನ್ನ ತನ್ನಿಚ್ಛೆಯ ತೆರದಿ