ಅಗಲ್ಪಾಡಿ ದುರ್ಗೆ

ಶ್ರೀದುರ್ಗೆ ಬಂದಳು ಅಗಲ್ಪಾಡಿಗೆ

ಭಕ್ತ ಜನ ನಿಂತರು ಅವಳ ಸೇವೆಗೆ

ಚಂದ್ರಕಾಂತಿ ಶೋಭಿತೆ ಶಾಂತರೂಪಿಣಿ

ಶೈಲಪುತ್ರಿ ವಿಶಾಲಾಕ್ಷಿ ಮಂದಹಾಸಿನಿ

ಕೋಟಿಸೂರ್ಯಪ್ರಭೆಯಂತೆ ಕಂಗೊಳಿಸುವೆ

ಭಕ್ತಪರಾಧೀನಳಾಗಿ ನೀ ನೆಲೆಸಿಹೆ

ಅನ್ನದಾನ ಮಾಡುತಿಹೆ ನೀ ಪರಶಿವೆ

ಶಂಖ ಭೇರಿ ವೇದ ಪಠಣ ಇಲ್ಲಿ ಮೊಳಗಿವೆ

ಚರಣಕಮಲಗಳಿಗೆ ಎರಗಿ ನಿನ್ನಪೂಜಿಸಿ

ಇತ್ತ ಬೆಲ್ಲದನ್ನ ಬಂದು ನೀನು ಸೇವಿಸಿ

ಜಗಜ್ಜನನಿ ಅಗಲ್ಪಾಡಿ ಪರಮೇಶ್ವರಿಯು

ತಾವರೆ ಕಣ್ಣುಳ್ಳ ಸೌಭಾಗ್ಯದ ನಿಧಿಯು