ಶೇಷನಾಗನೇ ಹರಸು ನೀ

ನಾರಾಯಣಗೆ ಶಯ್ಯೆಯಾಗಿಹ
ನಾಗರಾಜನೇ ಕದ್ರಿಸುತ
ನಮಿಸುವೆ ಶ್ರದ್ಧಾ ಭಕ್ತಿಯ ಶುದ್ಧದಿ
ನಮ್ಮೆಲ್ಲರನು ಹರಸೆನುತ

ಶ್ರಾವಣ ಮಾಸದ ಪಂಚಮಿ ತಿಥಿಯಲಿ
ವಿಶೇಷ ಪೂಜೆಯ ನಾಗೈವೆ
ದೋಷಗಳೆಲ್ಲವ ದೂರಿಕರಿಸಿ
ಸುಖ ಸಮೃದ್ಧಿಯ ಕರುಣಿಸಿ

ಅರಶಿನ ಸಿಂಗಾರದಿ ಶೃಂಗಾರ
ಹಾಲು ಸೀಯಾಳಗಳ ಅಭಿಷೇಕ
ಸಂಪಗೆ ಕೇದಗೆ ಪುಷ್ಪಗಳ
ಅರ್ಪಿಸುವೆ ಕೊಡು ಮಂಗಳ

ತ್ರೇತಾ ಯುಗದಿ ಲಕ್ಷ್ಮಣನಾಗಿ
ದ್ವಾಪರ ಯುಗದಿ ಬಲರಾಮನು
ಅವತಾರವೆತ್ತಿದ ಶೇಷನಾಗನೆ
ಪಾಪವ ನೀಗಿಸು ದಯಾಕರನೆ