ತ್ರಿವರ್ಣ ಧ್ವಜ

ಜನ ಮನ ವಂದಿಪ ತ್ರಿವರ್ಣಧ್ವಜವ

ಮನೆ ಮನೆ ಮೇಲೆ ಏರಿಸುವ

ಭಾರತ ಮಾತೆಗೆ ಮನ್ನಣೆ ನೀಡುತಲಿ

ರಾಷ್ಟ್ರ ಗೀತೆ ಉಚ್ಚರಿಸುತಲಿ

ಜನನಿಯ ಚರಣದ ಧೂಳಿನ ಕಣದಲಿ

ನಿಸ್ವಾರ್ಥದಿಂದ ಒಂದಾಗೋಣ

ಹಿಮಚ್ಛಾದಿತ ಹಿಮಾಲಯ ಶಿಖರ

ಭಾರತಿ ದೇವಿಯ ಮುಕುಟ ಕಾಶ್ಮೀರ

ಹರಿಯುವ ಜುಳುಜಳು ಜಲದ ನಿನಾದ

ಕಾಣಲು ಸುಂದರಿ ನಮ್ಮೀ ವಸುಧ

ತುಷಾರದಿ ಬೆರೆತ ಸಸ್ಯ ಶ್ಯಾಮಲೆ

ನಳನಳಿಸುವ ಈ ಸುಮಗಳ ಕೋಮಲೆ

ಭಾರತೀಯರ ಹೆಮ್ಮೆಯ ನಾಡಿದು

ತವ ಶರಣೆಂಬೆನು ಪಾದಕೆ ಮಣಿದು

ಜಯ ಶುಭ ಜನನೀ ಜಯ ಹೇ

ಜಯ ನಿಸ್ವಾರ್ಥದ ಮಣಿಯೇ

ಜಯ ಜಯಕಾರವ ಪಾಡುವೇ

ಜಯ ಭಾರತಿ ದೇವಿಗೆ ಜೈ