ಮುಕ್ತಕಗಳು

☘️☘️☘️

ನಸುಕ ಮುಂಜಾವಿನಲಿ ವಿಕಸಿತದ ಸುಮವೊಂದು

ನಸುಗಂಪ ಬೀರುತಲಿ ಸೆಳೆಯಿತೆನ್ನ /

ವಿಕಸಿಸಿದ ಸುಮದಂತೆ ಭಾವವರಳಿತು ಮನದಿ 

ನಸುಗಂಪ ಹರಡಿಸಿತು ಹೃದಯದಲ್ಲಿ/

********

🪻🪻🪻

ತನ್ನ ಬುದ್ಧಿಯ ಬಳಸಿ ಕೆತ್ತಿ ಶಿಲೆಯನು ಶಿಲ್ಪಿ

ರೂಪ ನೀಡಿದನದಕೆ ಶಿಲ್ಪವಾಗಿ /

ಗುಡಿಯ ಸೇರಲು ಶಿಲ್ಪ ಜೀವಕಳೆ ಬಂತದಕೆ

ಕೈಯ ಮುಗಿದನು ಶಿಲ್ಪಿ ಶಿರವ ಬಾಗಿ/

ಮನದಿ ನೆನೆದನು ಅದನೆ ದೇವರಾಗಿ !

********

🪻🪻🪻🪻

ಹಸಿದ ಹಕ್ಕಿ ಹುಳವ ಹೆಕ್ಕಿ

ಕುಕ್ಕಿ ಕುಕ್ಕಿ ತಿಂದಿತು/

ಕೊಂದೆನಲ್ಲ... ಇದನು ಎಂದು

ಬಿಕ್ಕಿಬಿಕ್ಕಿ ಅತ್ತಿತು/

********

🪻🪻🪻

ಮನದ ಬಾಗಿಲ ತೆರೆದು ಕನಸುಗಳನೊಳ ಬಿಟ್ಟೆ,

ತುಂಬಿಕೊಂಡೆನು ಬಾಚಿ ಹೃದಯದೊಳಗೆ /

ಈಡೇರದಿರಲೊಂದೂ ಭಾರವಾಯಿತು ಹೃದಯ,

ಹೊರಹೋಗು ಕನಸೇ ಎಂದು ಹೊರದಬ್ಬಿದೆ,

ಮತ್ತೆಂದೂ ಬರದಂತೆ ಕದ ಮುಚ್ಚಿದೆ!