ವ್ಯಾಮೋಹ....

ಬಹು ಮೌಲ್ಯಯುತವಿಹುದು ಈ ಹಳದಿ ಲೋಹ

ಜನರಿಗೋ ಇದರಲ್ಲಿ ಎಲ್ಲಿರದ ಮೋಹ

ಎಷ್ಟು ಇದ್ದರು ಸಾಲದೆನ್ನುವಾ ದಾಹ

ಕಳ್ಳತನದಿಂದಾದರೂ ಮಾಡುವರು ಸ್ವಾಹಾ

ಕೈಬೆರಳು ಕಾಲ್ಬೆರಳು ಎಲ್ಲೆಡೆಯು ಒಡವೆ

ಇದು ಶಾಶ್ವತವೆ ಹೇಳು ಉಳಿಯುವುದೇ ದೃಢವೆ?

ಈ ಜೀವ ಜೀವನವೆ ನಶ್ವರವು ಎಲ್ಲ

ತಿಳಿದರೂ ವ್ಯಾಮೋಹ ಬಿಡುತಿಲ್ಲವಲ್ಲ!

ತೂಕ ಎಷ್ಟಿದ್ದರೂ ಕೊರಳಲ್ಲಿ ಧರಿಸಿ

ವಿಜ್ರಂಭಿಸುವೆವಲ್ಲ ಸಂತಸವ ಭರಿಸಿ

ಏನು ಮೋಹವೊ ಏನೋ ಏನೊಂದ ಕಾಣೆ

ಬೆಳಗಾಗೆ ಏಳುವುದೆ ದೃಢವಿಲ್ಲ ತಾನೇ!

ಹೆಚ್ಚಿದ್ದರೇ ಕಳ್ಳಕಾಕರದು ಕನ್ನ

ಇತಿಮಿತಿಯೊಳಿದ್ದರೆ ನೋಡಲಿಕು ಚೆನ್ನ!